Hari itu, hari Minggu (5/11), bapak Welhenci Isliko dan ibu Pdt. I. C. Isliko-Nalle beserta dua keluarga lainnya membawa anak-anak mereka ke gereja. Mereka ingin anak-anak itu mendapatkan materai kudus milik kepunyaan sang Khalik.
Mereka disambut dengan a’asramat/natoni/takanab/basan seperti berikut ini.
Hai mbaiseun ma mronaen meu Sonaf Tetus In Uisn am In Tuan am ne,
RO TUAN
Meu Atukus-Anenut nbi etu kninu’ ma rene kniun’ am ne,
RO KNINU’
Hi arki Atukus-Anenut nbi etu kninu’ ma rene kniun’ am ne,
RO KNINU’
Sonaf tetus In Uisn am In Tuan anpiir ma nbetis naan ki nmanu-‘naak mepu kninu’ ma re’ot akniun’ am ne,
RO KNINU’
Neu koro-manu re’ mjair too piri’-too beti’ mbi etu kninu’ ma rene’ kniun’ am ne
RO KNINU’
Hi arki ma hit arkit tneek-mees’ ma tbaiseun-ta’bees teu Na, es re’ Sonaf tetus In Uisn am In Tuan am ne,
RO TUAN
Ka ntaa’-taa’ ate hit arkit ta’euk ma tateef am ne,
TATEEF
Mes natuin manekat mahoet na’ko Uisneno Sonaf Tetus in Uisn am In Tuan am ne,
RO TUAN
Anneek ma namnau naan kit arkit, am ne,
ARKIT
Natii’ ma na’ait kit nnenu ma natuuk um ne,
NATUUK
He anbi eit amasat ma tabu amasat am ne,
AMASAT
Hit ta’euk ma tateef, nekaf mese’ ki ma ansaof mese’ mne,
RO MESE’
Tait mepu banit arekot ma kniun’ am ne,
RO KNINU’
Es re’ tnona’ ma tfee anah-upuf nbi skaut ma aifat maihonit arekot am na,
RO REKO
He nsium ma ntoup marak akninu’ ma srani’ kniun’ am ne,
RO KNINU’
Na’ko sonaf tetus In Uisn am In Tuan am ne,
RO TUAN
Anbi kanaf Teun ma ‘Bonif Tenu mne
RO TEUN
He anah-upuf sin arsin nmonin’ reko ma nbin In aifan ma In askaun areokt am ne,
RO REKO
He sin na’boto’, npures ma nbo’is Yesus Kristus sin Usi’ ma hit Usi’ na’ko nabar-baar tar antea,
NABAR-BAAR
