Liturgi sederhana ibadah syukur panen (dalam bahasa Amarasi)

Pdt. Yakop Niap, S.Th/Ketua Majelis Klasis Amarasi Timur

Pdt. Yakop Niap, S.Th/Ketua Majelis Klasis Amarasi Timur
Pdt. Yakop Niap, S.Th/Ketua Majelis Klasis Amarasi Timur

Amarasi Raya, -.infontt.com.- Majelis Ketua Klasis Amarasi Timur mengikuti Litani Panen dalam infontt.com. Oleh karena itu Ketua MK Amarasis Timur meminta agar jika dimungkinkan dijemaatkan liturgi melalui media ini agar jemaat mulai belajar beribadah dalam liturgi yang kontekstual.

Atas permintaan itu, admin infontt.com menurunkan liturgi sederhana dalam bahasa Amarasi yang dirancang khusus untuk ibadah syukur panen dalam kelompok kecil (rayon)

Liturgi sederhana ibadah panen (dalam bahasa Amarasi)
PERSIAPAN
LITANI PANEN
(Jemaat berdiri menyanyi secara senyap (pelan-pelan sa) lagu Siit Kninu’ No.17, Uuf Are’ Tetus Athoen sin (KJ 240a), para pembawa ‘tupa’/nyiru masuk ke dalam ruang ibadah. Tiba di dalam, ‘tupa’/nyiru ditempatkan pada tempat yang sudah disediakan. Dilanjutkan tiap-tiap kepala keluarga membawa persembahan persiapan khusus dan menempatkannya di sana, lagu terus dinyanyikan. Sementara itu, seorang membacakan litani panen)

1. Uuf are’ tetus athoen sin, uum he mmoe’ au neek ii nsii. Neek arekot ka natfeek fa, uum he tsii piut-piut. Yesus naim kau oras au u’roo, ‘moe’ sanat amfaun ‘eu Na. In neem he nsoi nafetin kau, anbaen nok In naa’ aa kuun
2. Au utuus ‘bi In manekan, au umnau ansuun neno. Maut he In manekan n’aum kau, oras au he ‘seek ma ‘fui. Munoni’ kau he ‘moni kninu’, mfee kau Ho neek arekot. Au he ‘sii Ho rais ma’osa’, fin Ho ka mu’oni’ fa.
3. Au kais a’nao u’roo Ko, fin au ‘neek Ko Uisneno. Mtoup au neek ii ma mu’feu’ goe, mpaek Ho Smaan Akninu’ naan. Ho msoi mufetin amrair kau, ambaen meik Ho naa’ aa kuum. Au ‘moni ‘bi pah-pinan ia, Ho mait kau ‘jair Ho anah.

(penyerahan persembahan khusus dilanjutkan dengan do’a oleh penatua)

Teks LITANI PANEN

Koi Ama’ Uisneno, Ama’ Athoen neno-tunan, Sonaf Tetus In Uisn am In Tuan.
Hai mfonat amtaam meit mtean Ho humam ma Ho matam akninu’ naan, tua.
Hai arkai et asiat-anabit ma koro-manu kai, hai meik pena’-maka ma uki-noah.
Hai arkai meik sin fu’-fu’an ma ba-baun ein.
Hai mait ma mseek meik sin na’kon rene ma po’on re’ hai mseen ma mroe sin
Hai mipeni ‘be’if mi’ko Ho kuum koi, Ama’ Uisneno,Sonaf Tetus In Uisn am In Tuan.

Hai meik sin ntaman meu uim buat kninu’ maans ii nmaeb re’ ia,
Hai he misaeb sukur ma makasi natuin rais manekat na’ko Ho kuum, tua.
Hai mimaeb om oras hai mtae miit, saa’ re’ hai mait meik sin naheun nok rahi ma oe metan, ai’ kro-roef ma per-pero.
Mukninu’ maan sin, msium ma mtoup maan sin koi, Ama’ Uisneno
Ama’ Athoen neno-tunan.

Feef Baisenut ma Skaut kninu’ na’ko Pentua
‘Ruri’ besat neu Ama’ Uisneno Ameput Apakaet neno tunan ma pah-pinan oras ia, njair ma mamarak-maruna’ nbi kanaf teun ma ‘bonif teun Sin arsin esan re’: Amaf, Aan Moen Mese’ Yesus Kristus, ma Asiat-Anabit es re’ Asmaan Akninu’. Hai arkai mbaiseun ma miskau Ki he mok kai mbi onen sukur sekit ma mnonut Rayon 4 re’ ia. Haan baisenut, feef baisenut neu Ki on re’ naan, tua. Amin
(duduk)

Pentua/Penatua
Hit arkit tahiin namnees, maans ii nmaeb re’ ia hit tabua tbi umi ia in tefin ma in nanan, hit arkit tasaeb sukur natuin manekan Uisneno nok kit anbi oras hit tait mepu nbi hit rene ma po’on sin mese’-mese’. On naan ate, maut he hit tsii ttein he ta’naeb Uisneno nbi Siit Kninu’ No.04 (KJ No.46)
1. Mtuna’ Usi’ In kanan, haleluya. In manekat ka nkuran, haleluya. Maski In apirsait ein, ka nnenan fa neun Na, hit tapein In manekat, haleluya.
2. In nfee kit ‘moin fe’u, haleluya, Meis’okan njair meu’sine’, haleluya. Uisneno Kabin-Prenat, na’naak kit nbi ranan. Hit re’ atjair Iin na, iim he tmoni kninu’
.
Pentua/Penatua
Aok-bian manekat anbi Yesus Kristus. Arkit tatamb ok atbi onen he arkit tsoi’ ma trees, tneen ma tatniin Kabin ma Prenat Uisneno. Arkit onen …
(do’a firman)
Baca firman/Msoi’ ma mrees Suur Akninu’-Atu Kninu’ Uisneno

Haleluya, haleluya, haleluya
Hotba/reta’
FUA’TURU’ KORO-MANU
Pentua/Penatua
Aok-bian manekat anbi Yesus Kristus. Hit arkit tahiin namnees, hit tsium ma ttoup mahoet manekat Uisneno ranan nua: es, es re’ bisa treo’ ma ttae tiit ee; tnaa’ ma tfiit; ai’ troi ma tasaah. Es antein es re’: ka tiit ee fa, mes atnabeen tiit ee, on re’: snasaf, nenuf, ao-minaf, rais kua’-nonot es nok es, manekat es nok es, ma bian antein. Nok ranan naan, maut he hit tuaf ai’ fatuf mese’-mese’ arkit atnona’ ma tfee fua’turu’ ma fua-tnatas natuin saa’ re’ hit tsium ma ttoup ai’ tnaben tiit ee.
Na’ko naan, iim arkit atsii Siit Kninu’ No.33 (KJ No.33)
1. Hai mneen Ho mhaman kai, meik kai meu Golgota, hai saant am penu Ho msaok sin, natuin Ho mneek maan kai. Ref.Arkai meiki mtaam, mituin Ho hanam. Anbi naa’ akninu’ kuun, Ho mukninu’ maan kai.
2. Maski hai a’oret, Ho mfee kai ma’tani’, Ho mnoes mukninu’ oemetan, hai ‘moinm ein kninu’ teeb. Ref.
3. Hai tuaf mes-mese’ kai, Ho muhiin kai ro ‘teeb, neek ‘teeb akniun am mafnekan, namteut nbi manekat.Ref.
4. Ho mepu ma banit, nasai ma nnonos kai, kuasat sanat ro namneuk, ma senu’ nok mahoet. Ref.
5. Koi Usi’ Ho amfee, mahoet ii ro nabaar, antoom neu tua apirsait, manbaa’n ii nanookb on. Ref.
6. Mateka’ mabo’is, Yesus Asoi Sanat, Ho naa’ akninu’ mabo’is, Kristus hai Uis Asoit. Ref.

Pentua
Arkit t’onen sukur (safa’at)
Hanaf turu-nete he noi namsoup na’ko Pentua
‘Ruri ‘besat teu Uisneno nahuum sukur na’ko jema’at anmatoom nok sekit ma mnonut nbi toon ia in nanan, hit arkit he tasoup goe jen. Iim arkit ta’naeb attein Uisneno In kanan he arkit ta’ek mepu neno ia teik Siit Kninu’
No. 36 (ragam = Yesus Ada Sobat Kita)
1. Usif Yesus hit soob reko, In nasaah hit sanat sin. In nfei ranan ttaam teu Usi’, teik are’ saa’ tbi onen. Hit tatenab tamtau parsuum, hit neek menas ruum amsa’, fin hit ka teik fa teu Usi’, are’ saa’ ii tbi onen.
2. (berdiri)Maski hit tapein susat sin, tateef tok nana’renat, hit ka tmui’ fa neek akrati’, teik are’ saa’ tbi onen. Sekau ntein anjair soob reko, re’ nroi hit susat nok kit? Yesus nahiin hit a’oret, teik are’ saa’ ii teu Na
Hanaf amsouput na’ko Pentua nahuum onen athoen neno tunan
Athoen neno tunan na’ko Yesus Kristus hit Usi’, manekat ma mahoet na’ko Ama’ Uisneno, Sonaf Tetus In Uisn am In Tuan, nbubun ma na’mese’, nsia ma nnaib nbi Smaan Akninu’ nok kit arkit na’ko oras ia tar antea nabar-baar.

Amin, amin, amin

By : Heronimus Bani
Pro: Jemaat GMIT dan yang peduli dan mau belajar

Related posts

Leave a Reply