Do’a dalam bentuk A’asramat mengisi Kebaktian

  • Whatsapp
Pdt. Jacob Niap, S.Th, KMK Amarasi Timur menyampaikan sambutan (infontt.com)

infontt.com.Pada tanggal 5-6 Januari 2016 Majelis Klasis Amarasi timur mengadakan Sidang Majelis

Pdt. Jacob Niap, S.Th, KMK Amarasi Timur menyampaikan sambutan (infontt.com)
Klasis di Jemaat GMIT Pniel Tefneno’ Koro’to. Pada kebaktian pembukaan, dihadirkan isian liturgi yang tidak lazim, yaitu do’a pengakuan dosa, do’a persembahan keduanya dalam bentuk a’asramat (natoni), dan pengakuan iman rasuli yang biasanya diucapkan dalam Bahasa Indonesia, diucapkan dalam bentuk a’asramat juga.
Pada prosesi para pelayan memasuki ruang kebaktian, mereka diterima dengan a’asramat. Berikut ke-4 macam teks a’asramat itu.
Ketua Majelis Klasis Amarasi Timur, Pdt. Jacob Niap, S.Th memberikan apresiasi terhadap pengisian liturgi ibadah yang bernuansa lokal, apalagi dilakonkan oleh anak-anak.
“Kita bersidang di antara dua kebaktian, kebaktian pembukaan dan penutupan. Pada kebaktian pembukaan ada sarat dengan nuansa budaya, dimana natoni mengisi liturgi dengan do’a dan juga lagu-lagu bahkan pengakuan iman. Ini suatu yang patut dilakukan untuk kreativitas liturgi yang konstekstual.” Demikian Pdt. Jacop Niap.

Berikut teks-teks yang dipakai sebagai a’asramat (natoni) pada kegiatan itu.

Bacaan Lainnya

1) Saat prosesi
Baisenut ma ronaen neu Yesus Kristus, Sonaf Tetus In Uisn am In Tuan am ne
RO TUAN
Neu Atukus-Anenut ‘bibi ma ‘biib kase nbi mnera’ huun akniun am ne
RO KNINU’
Ma neu Ameput ma haef-nimaf nbi etu ma rene kniun am ne
RO KNINU’
Ka ntaa’-taa’ ate hit ta’eku ma tateef am ne
TATEEF
Mes manekat mahoet na’ko Uisneno, Sonaf tetus In Uisn am In Tuan am ne
RO TUAN
In natuuk ma na’ait ki arki mese’-mese’ mi’ko umi ma ropo, kua-mepu-baer re’ot am ne
RO RE’OT
Hi arki mfoi jom iim, ma mfoer jom iim am ne
RO IIM
Mi’euk ma miteef am ne
MITEEF
He mait mepu-re’ot arekot ma kniun am ne
RO KNINU’
Mbi Sidang Majelis Klasis Amarasi Timur in naan am ne
RO NANAN
Maut he hi mipein tetus-athoen am ne
RO THOEN
He hi mtean sidang ia in sarit ma bekot arekot am ne
RO REKO
Uisneno anbi Yesus Kristus ‘Nakaf Sidang nok kit arkit am ne
AAR-ARKIT
Maut he mitaamb om meu Sidang ia in nanan. Hai a’at ma sramat antuu’ ma nheu’ on re’ naan, tua.
Sraamt am hi mneen ai’ kah? (3X)
HAI MNEEN (3x)

2) Pengakuan Dosa
Koi Ama’ Uisneno Ameput neno tunan ma pah-piin am ne
PAH-PINAN
Hai mfonat ampaumaak Ko ma mbaiseun Ko mne
BAISENUT
Meik rahi-oemetan, sanat-penu na’tuup ma na’nae mne
NA’NAE
Mese’-mese’ arkai m’au ma mnakau’ mbi Ho matam re’ mapina’ ma kraah-re’uf naan am ne
MAKRAHA’
Mau he hai sanat ma penu sin amsaok ma msoi maan sin am ne
RO MSOI
He hai arkai ma’upa’ ma ma’osa kai mbi Ho humam ma Ho matam akninu’ naan, tua.
Hai baisenut meu saok sanat antuu’ ma nheu’b on on re’ naan, Hai mteek kim Yesus Kristus, hai Usi’ Sonaf Tetus In Usin ma In tuan kuun, tua.

3) Doa mengantar Persembahan
Koi Ama’ Uisneno, Ama’ Athoen neno-tunan, Sonaf Tetus In Uisn am In Tuan am ne
RO TUAN
Hai mfonat amtaam meit mtean Ho humam ma Ho matam akninu’
naan am ne
RO KNINU’
Meik feef baisenut ma haan baisenut ma mfee hormaat nahuum
sukur am ne
RO SUKUR
Natuin neon ahunut fai ahunut am ne
RO UNU’
Ho kuum mumonib ma mufena’, amsia ma mnaib too piri’-too
beti’ mne
RO MBETIS
He hai arkai mbaiseun Ko piut-piut am ne
PIUT-PIUT
Hai mait meik ma msee’ meik fua’tutu’ ma fua-tnatas am ne
RO TNATAS
Hai mnona’ ma mfee sin maut he njarin baer ma’osa’ maski
naheun nok rahi ma oemetan am ne
OEMETAN
Koi Usi’ Amahoet, mnona’ Ho ‘nimam ma ‘nukum akninu’
naan am ne
RO KNINU’
Msium ma mtoup maan sin am ne
RO MTOUP
Mupsani’ maan sin ma mukinu’ maan sin am ne
RO KNINU’
Hai a’at ma baisenut nahuum onen fua’turu’ ma fua-tnatas antuu’ ma nheu’b on on re’ naan, tua.
AMIN

4) Pengakuan Iman Rasuli
Au ‘pirsai ‘eu Ama’ Uisneno, es re’ Uisneno akuasat anneis-neis ji, Amo’et-Apakaet neno tunan ma pah-piin am ne
PAH PINAN
Au ‘pirsai ‘eu Yesus Kristus, es re’ Uisneno In Anah re’ fua’ mees’ aah am ne
RO MESE’
In re’ naan, hit Uis am ne
HIT USI’
In ainaf bi Maria na’apu’ na’ko Uisneno In Asmaan Akniun am ne
RO KNINU’
Sin nha’mui’ ma na’nuka Usif Yesus oras gubernur Pontius Pilatus annaa’ apreent am ne
RO PRENAT
Sin nkuus nakfiir’ Ee nbi hau nehe mne
HAU NEHE.
In nmaet, rarit sin nsuub naneuk Goe mne
NAMNEUK
In nsanu nbi bare neu amaets ein am ne.
RO NMATEN
Anmeu on naan ate, Kristus anmoni nfani mne
RO NMOIN
In na’ait On ansae neu sonaf neno tuun am ne,
RO TUNAN
rarit antuun On et Uisneno In abnapan a’ne’u, anbi bare re’ mahormata’ anneis-nesi mne
RO NNEIS
Oras In nkoen On anfain neem na’ko nee, In of nafeek hukun neu tuaf amonit am ne
AMONIT
Ma nafeek hukun neu tuaf amaets am ne
AMATES
Au ‘pirsai ‘eu Uisneno In Asmaan Akniun am ne
RO KNINU’
Au ‘pirsai ‘ak, apirsait ein neu Yesus Kristus etan bare mee-mee ro kniun am ne
RO KNINU’
Au ‘pirsai ‘ak, apirsait ein neu Yesus Kristus ro he nmonin kniun am ne
RO KNINU’
Au ‘pirsai ‘ak sin nmonin nok nekaf mese’ ma ansaof mees am ne
RO MESE’
Au ‘pirsai ‘ak Uisneno nnoes nain hit saant am penu mne
RO PENU
Au ‘pirsai ‘ak, of oras Uisneno namonib nafani’ kit ate, hit ttoup aof fe’u mne;
RO FE’U
Au ‘pirsai ‘ak Uisneno nfee kit a’monit amneot ma amnonot re’ nabar-baar am ne
NABAR-BAAR
Au ‘pirsai on re’ naan, tua
ON RE’ NAAN TUA

Penulis : Heronimus Bani

Pos terkait

Tinggalkan Balasan