Puisi dalam bahasa daerah Amarasi ini ditulis dan dibacakan pada tanggal 1 Agustus 2017 di dalam Kebaktian Hari Ulang Tahun Jema’at Pniel Tefneno’ Koro’oto yang ke-86.
Penulis, Merdana Santri Ora belum mengetahui tata tulis yang benar menurut Uab Amarasi tetapi, ia telah memberanikan diri menulis. Suatu pengalaman yang baik agar bahasa lisan dapat dijadikan bahasa tulis. Setelah melalui perbaikan ejaan, infontt.com bersedia mempublikasikannya seperti berikut ini.
Rais Sukur ma Rasi ‘Besat neu Uisneno
(Merdana Santri Ora’)
Rais sukur ma rasi ‘besat,
hai mnona’ ma mfee je meu Ko, Usi’,
natuin Ho resit ma taiba’, re Ho mfee ma mukriir’ ee mbi kai too piri’ ma too beti’ kai,
Jema’at Pniel Tefneno’ Koro’oto.
Ho mreek ma mpiir re’ natokob ma nafena’ Ho uim onen ma Ho ropo kninu’, uim re’u kninu’.
Hai mfonat mmtaam, mi’bees ma mbaiseun Ko mbi Uim Onen, Ropo Kninu’, Uim Re’u Kninu’.
Misaeb sukur ma makasi meu Ko, tua.
Usi’,
Anbi oras maans ii nmaeb re’ ia,
hai mhuma’moe ma mkumain,
natuin Ho rais panat ma pafa’ meu kai,
tar antea toon bo’fanu mnee jeen.
Ho too gui, re’ Ho mpiir ma mbeit maan sin,
sin nhuuma’moe ma nkumanin,
natuin sin nnaben niit Ho manekan nbin sin a’moink ein.
Usi,
Ho too gui, re’ Ho mpiir ma mbetis sin,
ntokon tnene mese’ – tnoes mese’,
sin arsin et bifee ma atoni’, mnasif ma mainuki’, ana’ ma ko’u,
naitin sit pures-bo’is, mnaikas mariatas neu Ko, tua.
Haleluya,
Au ‘haman ma ‘napen au aok-bian ki arki,
Amkoen om iim, arkit ttuna’ ma ta’ratan hit Usi’, In kanan.
natuin In kuun es re’ a’raat re’uf ma akuasat.
In kuun es re’ naprenat, nruur ma nreek are’ kanan saa’-saa’ et pah-pinan ia.
Hi arki au aok-bian arki.
Amkoen om iim, natuin hit tnaben atrair In manekan.
Hit ka bisa fa he truuk ma t’ukur In manekan.
Hi ka tabei’ fa he tseun banin In mahoen.
In manekan ma mahoen,
mainua-re’uf, mnaun-re’uf, ma mfau re’ufa
In kuun es re’ nabar-baar,
tar antea nabar-nabaar.
(roni)
