Ta’naak

Aok-bian arki. Karu ta’naak hit ro he tanoni’ he tmanoe batuur-batuur. Anbi Uab Meto’ Amarasi anmui’ naan uab tuka’ fak-fauk re’ bisa njair noni’ neu a’naakt ein.

1. nmanu ‘naak ma na’naa’;
2. napoo’ ma natuuk;
3. na’haba’ ma nha’tain

Uab tuuk teun ein re’ ia, bisa njair noni’ neu tuaf re’ na’naak.
Onaim karu ho munaak ate, mjair on re’ maun goe ‘nakan, na’raat anneis he ntae in too, tuaf-fatuf re’ in nmanu ‘naak sin

Karu ho mjair a’nakat, nakanab ko nak, ‘nakaf. Ho mjair on re’ atukus re’ ro he bisa npaas koit he napoo’ in mui’t ein, he natuuk sin neun raan reko, karu namin oe ai’ huun.

Karu ho mu’naak, ho ro he mjair tuaf re’ ro he bisa na’haba’ nmanoe ma nha’tain nahiin in too gui. Karu napein in too gui n’oern ate, in ro he nha’tain sin. Karu sin nma’nuran ate, in ro he bisa na’haba’ sin.

Anha’tain sin on re’ mee? Anha’tain sin neik uab.

Na’haba’ sin on re’ mee? Na’haba’ sin neik uab arekot re’ bisa sin napenin ma’tanif.