Uab Meto’ Amarasi On re’ Mee?

bahasa daerah c

Hoore tua. Neno ia au ‘tui utoon ‘eu ki anmatoom Uab Meto’ Amarasi re’ naan on re’ mee? Uab Meto’ Amarasi hit arkit tahiin sin esan re’: Kotos, Ro’is, Taisnonof. Karu ttean abitan Aam’Abi Oefeto te, atoin nai’ rais ii nteek sin uab ee nak, Ketun. Atoin nai’ Rais ein bian ntokon etan Aam’Abi Oefeto. Bian Kotos, bian Ro’is
Apaek Koots ein natuan etan kuan ein re’ ia: Soba’, Oesena’, Kotabes, Nonbes, Ponain, Tesbatan, Oenoni, Oebesi, Apren, Nekmese’. Roi’s ein esan re’ ntokon et kuan-kuan: Teunbaun, To’baun, Erbaun, Nekbaun, Merbaun, Niukbaun, Tunbaun, Sonraen, Buraen, Retraen, Sahraen, Pakubaun, Rabeka, ma Enoraen.
Apaek Taisnonof sin etan re’ kuan ein re’ npe’-pe’o haa tais je nonon, on re’ abitan Oemoro’, Rium, Paukpetas, Noehaen, Si’uf, Noetefa’, Tarba, Rinin, Noekaesmuti’ ntean abitan Skala’.Noehae
Maski on naan amsa’, karu Koots ii nateef Roi’s ii, ma Taisnonof, es-es ate na’uab neik in hanan, mes ka nasurin fa. Karu Koots ii nak kah fa, tua; Ro’is ma Taisnonof nak, mae’. Karu Koots ii nak, paku, pauk gui, Roi’s ii nak, paru, paur bui.
Hit arkit bisa tneen tahiin tak sekau na’uab Kotos, ai’ Ro’is ai’ Taisnonof oras hit tneen tarek-reko’ in hanan re’ nakboor ee nahuum on re’ tsii. Noon Roi’s ii ‘teta’ kre’o. Tahiin je gui ro rabaah.
Au ‘pake ‘tope:
Kotos : Ho mnao on mee?
Ro’is : Ho mnao een mee? bian nak, Koi ma, ho mnao een mee?
Taisnonof huma’ mese’ on re’ Ro’is.

Hit uab ii ro he matu’i hena’ reko. Karu ka ttui ma tpaek je fa he ta’uab ma trees ee te, noki-noki te namsaab ma namneuk.

Maans ii nmaeb re’ ia au ‘tuu ‘bi ia goen, tua.

Au, nai’ Roni Bani kau, tua.

Check Also

Perdana UNBK di SMA Negeri 11 Kota Kupang Berlangsung dengan Baik dan Lancar

Kupang-InfoNTT.com,- Sebanyak 52 siswa SMA Negeri 11 Kota Kupang mengikuti perdana Ujian Nasional Berbasis Komputer (UNBK), …

Tinggalkan Balasan

Alamat email Anda tidak akan dipublikasikan. Ruas yang wajib ditandai *