Tateef atbi Uab Meto’ Amarasi

Uisneno In Kabin ma Prenat (Manba'an Fe'u)
Uisneno In Kabin ma Prenat (Manba’an Fe’u)

Amarasi, .infontt.com. Hore tua. Aok-bian arki, sin au ama’, au aina’, au baab-mone, baab feto, sin au ba’e, sin au feto’, sin au ori’, sin au tata’, ma sin au anah arki. Au uhiin ‘ak resat re’ ia of hi ka mmanoen ee fa. Mes karu hi arki atoin nai’ Rasis, hi arki ma hit arkit ro he tanoni’ hit uab, henati’ hit ttui tahiin je ma tress tahiin je.
Au uhiin ‘ak hit atoin nai’ Rasis, hit tpaek Kotos, Ro’is ma Tais Nonof. Abitan Aam’abi sin npaken Ketun. Mes karu hit tateef ma atma’uab bian am bian, hit arkit ro tahiin ma tmanoen uab re’ it tpaek je gui.

Suurt ein re' ia matu'i nbi Uab Meto' Amarasi
Suurt ein re’ ia matu’i nbi Uab Meto’ Amarasi

Onaim, au ‘paek ranan re’ ia he hit arkit tanoni’ bu’-bua’ anmatoom hit uab re’ oras hit aina’ ma hit ama’ nahonis kit ate, hit tpaek uab re’ naan. Hit ka tmoin fa tbi uab rabit on re’ kasen.
Aok-bian arki, karu hit tpaek uab meto’ Amarasi re’ hit tmoin teik tain je te, hit tpairoir uab re’ naan henati’ in nabar-baar kuun.
Au utoon ‘iit au kanak he hi arki kais mitenab mak atuis re’ ia sekau?
Au kaank ii nai’ Roni Bani. Au unoni’ hit uab meto’ Amarasi ‘ok ahinit-amanoet sin toon bo’es am haa (14). Hai mibanit Kabin ma Prenat Uisneno na’ko Uab Yunani re’ mineetb ee npeo’ rabit Melayu Kupang meik Je ntaam neu Uab meto’ Amarasi. Mo’et re’ ia njair he hit tpairoir Uab meto’ Amarasi he nmoin nabaar, mapake’ njair uab noka’-mabe’ nsuun oras ma eti.
Karu hit ta’uab teik Uab Meto’ Amarasi, rabit Melayu Kupang, rabit Indonesia, kaes muit ein sin uab Enekres, ma uab bian antein, naan rais reok goes neu kit.
Onaim, neno ia au ‘tu’u ‘bi ia goen, tua.
Noka’ te, hit of tateef attein.
On re’ naan, tua.
Au nai’ Roni Bani kau, tua.

Kamus Pengantar ke dalam Alkitab matu'i npaek Uab Meto' Amarasi, ma SnaK, Surat na'ko abitan Koro'oto
Kamus Pengantar ke dalam Alkitab matu’i npaek Uab Meto’ Amarasi, ma SnaK, Surat na’ko abitan Koro’oto

Check Also

Menang Telak, Wakil Ketua TKD Jokowi-Amin Provinsi NTT Minta Pendukung Tetap Tenang

Kupang-InfoNTT.com,- Wakil Ketua 1 TKD (Tim Kampanye Daerah) Jokowi – Ma’ruf Amin Provinsi NTT, Melki …

Tinggalkan Balasan

Alamat email Anda tidak akan dipublikasikan. Ruas yang wajib ditandai *